Кико е сам на снегот...

Полна со новогодишен и божиќен дух, така би ја опишале новата песна на Христијан Тодороски- Кико, ексклузивецот на Мак Мјузик продукција, која официјално е пуштена во радио етерот. Зад поп- баладата која е насловена Сам на снегот се потпишуваат браќата Иван и Јован Јованови, кои заедно го направија аранжманот, а музиката и текстот се дело на Јован Јованов.

Среќен сум што и мојава четврта по ред песна ќе добие свој видео запис, кој ќе се снима во текот на наредната недела. Иако е балада, песната има празничен ритам и се надевам дека ќе стане новогодишен хит - вели Кико.

Сам на снегот ќе биде дел од деби-албумот на Кико чие издавање Мак Мјузик продукција го најавува за почетокот на наредната година. Албумот веќе се работи во студиото Јованови.

Датум: 05.12.2011.